从丰田讲开去

早浪厢，电台里又开始讲丰田车事件了
“日本拿最好额么事拨自家用，二流额欧美用，三流额到亚洲。”
偶是听也勿要听，嗤之以鼻。

我认为，小日本虽然勿是么事，但，阿拉还勿及伊拉来。
宁家至少脑子清爽，晓得最好额留拨自家宁用
阿拉奈？作孽啊，最好额么事全部出口拨宁家用去了
好勿容易买到出口转内销（就是处理品啦）算运道好了勿得了来，全国人民才晓得就算处理品也比商店里买额正品好。路高头外贸商店多了勿得了，一段时间以来商店挂只外贸抬头甚至是销量额保证。
比比宁家，阿拉额脑子属于被枪打过额，坏特额，时髦讲法是脑残。
自家拨自家定位就是第三世界三等公民了，还指望人家对侬好？省省伐

联想到某些女筒子，对老公小宁好得勿得了，对自家抠门了勿得了
侬阿勿想想，侬对自家阿勿好，哪能要求侬老公侬小宁对侬好？

所以，作为一个宁，第一要做到爱自家，其次才是爱人家
先做到小爱然后再请考虑大爱，虽然和主旋律勿一致，但绝对是真理.