一直听宁家讲四新额鲜肉汤团嗲，赞
勒乐多伦路步行街对过，偶从来没看到过，是勿是搬特拉
上个礼拜去来，中郎厢去还是没寻到，跑到马路对过去看，只看到傣妹
没办法，到窝里狗狗一记，寻到电话打过去，问清爽，是了多伦路对过呀
夜头再去，迭记偶聪明了，问路，原来还要走过去一眼
结果，还是没吃到 ，轮到偶最后一只卖光了一刚
偶气四特勒，没办法到万寿斋7小笼去了

现在偶出门再去，格记7得到了伐
回来跟大家汇报，7后感

贴宁家的PP拨大家先看看

[ 本帖最后由 ROBYN 于 2010-1-16 22:48 编辑 ].

坍台啊，坍台，偶出洋相来
偶跑过去一看，汤团7快洋钱4只，老大额，偶吃小馄饨+4只汤团变猪猡来
“请问馄饨2只卖伐？”
卖票额阿姨看牢偶，眼神那能噶怪额啦
“请问馄饨2只卖伐？”偶提高声音重复一遍
还是没反应吗，偶光火来，上班辰光哪能开小差额啦，正要发调头
旁边额老爷叔朴茨一声笑出来一刚"馄饨阿里的来2只一买额啦，侬吃得饱伐”
“。。。。。”偶港特 吃两只馄饨变小鸡来

最后偶顺利额买了一碗小馄饨+2只汤团（一甜一咸）
小馄饨肉肉老多额，但是汤水勿灵，所以偶肯定伊拉额面条也好佛道阿里去
汤团咸额灵，虽然皮子德牙齿，但是一口咬下去，肉紧，汤跟油才流出来了，一唆，赞啊
欢喜肉肉额汤团~~~下趟再去吃

[ 本帖最后由 ROBYN 于 2010-1-16 22:50 编辑 ].

是额，四川路高头，勒了两楼，一楼卖熟食.

偶叫伊勿要摆味精，馄饨满大额，7块一碗，偶吃挺一只.

买了两只，甜额满甜额，甜额咸额芯子才勿多，但是好吃哦，材料好.

是好吃，所以队伍长，平常勿要排还可以
就是服务员才是外地宁，偶讲上海闲话听勿懂.

迭只电脑里没抗PP呀，哪能办.

礼拜一阿拉再猜。偶也想猜，哪能没宁拨偶猜啦
偶猜米米子一只鼎.

可惜老早没吃过，馄饨汤水偶勿会吸
偶会吸猪猡骨头吊出来额，放一眼眼猪油，角怪多葱.

哼，下趟去上海闲话讲到底
欺负偶？！
~~~伊拉哪能好迭能欺负偶老实宁啦.

好额，偶去77看
老早勒乐巴黎春天对过额辰光去7过两趟，宁老多额.

才是7客，大家交流交流小7老有劲额.

偶下个礼拜去会会此美心
偶会吸汤团跟春卷，只要是咸额点心，偶才会吸额.

偶看成迪拜额汤团点，侬也7过了.

海纳百川
偶就会得写只の，侬就从了偶伐.

偶看到侬元旦买额么事，YY好看额
BALLY额包包偶也会吸额
哪能买了嘎许多么事啦
才老好看额.

今年侬有添了啥新额货色啦？
偶老会吸看迭种帖子额
看看好像自家也背起来了
一直想买只玳瑁背带额包包
价钱太辣手，偶额卡刷不下去
拨侬看偶最会吸额包额
让偶寻照片.

偶一记头寻勿到
照片高头迭只是2001款，好像是哦
偶欢喜额伊只，背带式玳瑁额，仿勿出来额，2004款
偶第一趟看宁家背就长草，长了噶许多年，还没拔特
有一趟看到个E-BAY高头一个美国宁卖，只有240美金
偶起劲来，问伊可以运到中国伐，伊勿睬偶.

偶看中额伊只没嘎大，侬肯定好背
就是没地方去买，寻寻觅觅N年
偶还是没买到，没想到买只包，嘎难.

偶只有一只巨包包，LG老朝送拨偶额，偶舍勿得买额
每趟背就被宁家划一刀，一共划了三刀
偶就勿背了，结果锁也坏特勒
倒霉额偶 没办法，偶勿配背好包包
偶就拎只马夹袋算了.

克老姨，偶也有额，勿过是REPLICAS额
带锁额是BALLY额，偶会吸BALLY额么事，皮老好额
就是偶前世是葛朗台，舍勿的票票
上趟牙齿一咬，终于帮自家买了只皮夹子，心痛了几个号头
迭只皮夹子偶要用到伊皮落特，补补好再用.

吃饭么要噶珊瑚才开心呀
帮侬噶噶，偶又好7两碗汤团.

照片是LV额透明包包，塑料老厚额，仿额一看就看的出来，LV透明款要仿满难
但是其他帆布款仿起来就简单来
偶有空买只帆布包，一层层刷桐油，出来效果大概差眼，但原理是一样额.

LV就是帆布高头一层层刷出来额呀.

拨伊拉搞法搞法，从食品搞到消费品
从7块搞到2万块
偶立场勿坚定.

所以偶屛牢，勿买，只7汤团
偶做宁家额.