去谢过太岁了，SOP满复杂额，跟大家扫扫盲
1.先请只信封，写自家额信息
2.再请只大红袋袋，高头也写自家额名字，勒里厢拔锡箔额元宝等，纳1跟去年求太岁辰光额一只护身护符一道摆进去，怕怕满一袋袋
最后携带香、烛跟2去主殿
拿2摆了自家额两位太岁前头，供供，一位是保佑自家额太岁，一位是跟侬冲额太岁
到外头去点蜡烛，再点香，香粗是粗得来，要点到高头一圈金颜色烧成黑の再烧成金の就好了，露天四只方向才拜一拜
再进主殿，拜玉皇拜太岁，顺序是玉皇-冲太岁（2高头有伊名字额）-保佑自家の太岁，偶额冲额叫乙丑太岁陈材大将军，好额叫癸丑太岁朱得大将军，麻烦拿自家窝里地址跟名字讲拨伊拉听，中国宁太多，同名同姓额也多，勿讲菩萨头要魂额
最后奈2纳出主殿，烧特拨菩萨
完毕ING
属老虎の旁油拜太岁SOP同上，勿一样额是1里厢多了只护身符，记得拿回去供好。初十再去一趟，带块毛巾去，道士会念经额，然后一年就用迭块毛巾，会保佑侬额。
.
