痛苦啊，偶教泥子做算术。要期终考试来，偶神兜兜寻套卷子拨伊做做。伊神兜兜接过去做起来。
没想到两年级有几何额。偶一直以为鸡污鸭污是高中学额么事。
题目是迭能额。几堆正方体，问侬前、后、左、右看分别是啥额图形，注意需要泥子画出来额图形是压扁特额平面图形。
泥子全部错特，拨偶扣特8分，格还得了！哈宁。
来来来，妈妈来教侬，爸爸来教侬。
没想到泥子做了戆特，而偶教了戆特，阿拉LG也教了戆特。
先用抽象法，让伊想，失败；
再用模型法，让伊看，失败；
伊问偶“前头一块正方形阿要画额呀，哪能么啦，只画后头额一堆啦。”
偶拿出一堆乐高，组合好， “重合了呀，重合懂勿啦？”
伊眼睛砸吧砸吧看牢偶，偶晓得伊勿懂。
偶抓耳挠腮，象只猢狲，还是没想出哪能帮伊讲。
迭个辰光，偶突然想到了皮影戏，哈哈，皮影！
偶拿一堆乐高摆好，灯光一打，”看到啥个图形？”
儿子开心了“看到了，前头一块正方体没了！”
彩彩，伊终于懂了。
偶咔汗。
为啥啦，为啥两年级要教鸡污鸭污，万恶额教育改革，教额么事对嘎小额小宁一点用也没~~~
.
