是额，想想小辰光，哪怕屋里厢买只热水瓶，阿要跑到淮海路去买，屋里门口就有百货商店，妈妈就伐去，总觉着淮海路额热水瓶样子登样，质量有保证伊刚。
现在额淮海路蛮吃力额，都伐晓得自家额定位立了阿里搭，改里伐尴尬，想想自家是小姐额命，却变了丫头了，唉。其实伊完全可以走年青一族额路线，比如通宵开业，有吃有白相，附近弄只广场可以让年轻宁立了里厢跳街舞啊，约会啊。。。。年轻宁最欢喜扎闹猛，人气一旺，生意阿就好来。还有，可以开几只全球玩具商店，记得老早点有只“六一”儿童商店，是我最欢喜去额地方，小宁欢喜去，就能一拖三，甚至于一拖四、五，将爷爷奶奶、外公外婆才带来了。 现在额青少年文化用品商店脱呒没特色来，里厢额DD全中国才有额，现在才么事网高头才搞得定，商店要想旺，一定要卖网高头搞伐定额，硬加一定要正宗，伐好才是义乌造出来额俄罗斯套娃等。现在人不缺钱，缺的是时间。.

引用:

原帖由 嘉钰儿妈 于 2012-11-22 13:02 发表
是额，一直住了瑞金路淮海路格的，现在淮海路上的走路人还是蛮多格，就是店里相人少，老早买某事都要到淮海路兜一圈，现在只有要到长春食品商店和全国土产，以及古今胸罩商店才会到淮海路去，嗨~

跟侬一样额，就是长春（买鲜肉月饼）、全国土特产商店.

引用:

原帖由 almading 于 2012-12-20 20:02 发表
前两涅夜里厢，又了乘了粗子 走马观花淮海路。残古啊妇女商店营业员比顾客多，残古啊万得城么啥宁额，残古啊时代广场（老早额淮海电影院）墨墨黑关特，残古啊金狮广场门口罗雀，残古啊大方绸布店借了做刚勿像话勿像 ...

我阿是，前2天又去兜过淮海路，礼拜天马路高头还是呒没几花宁，冷冷清清。关键zf定位伐准，想搞了高档，上海宁门槛多精啦，冲头侪伐肯做。高档货，出趟国一腔头才可以搞定，昂加带旅游，伐要脱格算哦。啥宁肯立了上海买啦。所以淮海路想走普通高端额路线是伐来塞额，要么进世界超一流额品牌，昂加伐是去一只国家就能侪搞定额品牌，格么宁家算算伐格算，另外租金便宜点，让商家闹利润补贴8顾客，最起码要比网高头代购便宜。还有伐光是买衣裳，应该还有世界一流额玩具商店，让小朋友阿愿意去淮海路。老早点我最愿意去6•1儿童商店。我搁实华狮广场蛮适合做儿童商店，前面一只广场可以摆小宁白厢额么事。老早点襄阳路小商品巿场格块地方，变青少年商店，广场可以让伊拉跳跳街舞啊啥额。一条马路一额社会伐光只有卖衣裳，还应该有文化，应该考虑年纪大额更应该想想年纪小额，因为伊拉侪是上海额未来!

[ 本帖最后由 rose588 于 2013-1-19 15:13 编辑 ].