老早点，上只角只有卢湾区、徐汇区、静安区、黄浦区、、长宁区、虹口区(可能较少)等区域里厢额部份地块再有额。闸北、普陀、南市，格些区里厢是呒没上只角额，一般登过上只角额上海宁(土生土长)，伐大肯买了上述几只区(闸北、普陀)，南市伐算。杨浦老早点是蛮落乡额，忽略伐计。而上述几只有所谓额上只角额区域，也伐是讲所有地方才是上只角，就好比卢湾区(我比较熟，从小住了矣面搭)，一过肇嘉浜路就是棚户区了，一般是北以建国路为界限，东以成都路为界，西嘛可能就是大木桥(再过去大概是徐汇区)了。其他几只有上只角额区，还是这样分额(就好比现在非常闹猛额徐家汇，老早点还是下只角；蛮受YP宁欢迎额中原两湾城，再具，登过淮海路额宁还伐会搭吃伊，还要讲一句：哼，气质伐一样)。但是淮海路里厢也有棚户区，阿拉一额同学就是住了淮海路里厢额棚户房子里(倒马桶、生煤炉)。但是伊拉出来才讲：阿拉住了淮海路。一副腔调就是比住了大木桥新公房交头额同学折台型。
所以外来宁是分伐清也搞伐清上海额文化额，这只可以意会不可以言传是也。
.
